2026 жылғы 04 ақпанда Қостанай облысы әкімдігі білім басқармасының "Меңдіқара ауданы білім бөлімінің Первомай жалпы білім беретін мектебі" КММ 9-11 сынып оқушыларымен 55 адам санымен профилактикалық әңгіме өтті.
Әңгімелесуді Меңдіқара ауданы ББ бастығы полиция полковнигі А. Т. Баракатов жүргізді.
Іс-шара барысында кәмелетке толмағандар арасындағы құқық бұзушылықтардың, қылмыстық және әкімшілік жауапкершіліктің, буллинг пен кибербуллингтің алдын алу, кәмелетке толмағандардың түнгі уақытта заңды өкілдерінің еріп жүруінсіз болуы, интернет-алаяқтық, сондай-ақ пышақтау-кесу заттарын алып жүруге тыйым салу мәселелері қаралды. Әңгіме білім алушыларға жеке қауіпсіздік және өз іс-әрекеттері үшін жауапкершілік мәселелерін жақсы түсінуге көмектесті.
