Жаңалықтар

Қазақстан Республикасы Оқу-ағарту Министрлігінің "Дарын" республикалық ғылыми-практикалық орталығы "Зерделі" білім беру орталығымен бірлесе отырып, 27-28 наурызда Астана қаласында бастауыш сынып мұғалімдеріне арналған "Алтын тұғыр" республикалық олимпиадасын өткізді. Республикалық кезеңде еліміздің барлық өңірлерінен іріктелген 164 үздік бастауыш сынып мұғалімдері бақ сынасты. Біздің облыстың атынан Первомай жалпы білім беретін мектебінің мұғалімі Кобзарь Ирина Николаевна қатысты. Олимпиада қорытындысы бойынша Ирина Николаевна жеңімпаз атанып, республикада 1 орынға ие болды! Ирина Николаевнаны жоғары жетістігімен құттықтаймыз және кәсіби деңгейде табыс пен жаңа жеңістер тілейміз!